– Veit ikkje Helseklage kva dei held på med? spør Thomas Hartweg (48) frå Trondheim.
Feilen vart ikkje oppdaga før etter fem månader. Håpet hans var å få svar i haust, men det kan han berre gløyme.
– Eg er mållaus.
– Dette hadde han ikkje fortent.
Orda kjem frå direktør i Helseklage, nasjonalt klageorgan for helsetjenesten, Rose-Marie Christiansen, når NRK spør kva ho vil seie til Hartweg etter tabben dei gjorde i vår. Ei tabbe som auka ventetida hans med ytterlegare fem månader.
– Vi beklagar verkeleg at dette har gått utover Hartweg, seier Christiansen.
Før ei sak skal opp i Pasientskadenemda blir dokumenta sende elektronisk på det interne saksbehandlingssystemet til sakkunnig som skal kome med ei erklæring. Den får klagaren og behandlingsstaden kommentere før nemda avgjer.
I dette tilfellet stod legen framleis oppført i datasystemet til Helseklage som sakkunnig. At han hadde slutta, oppdaga ikkje Helseklage før i september.
Christiansen seier det er første gong ein slik glipp skjer og at Helseklage no har dobbeltsjekka at lista over sakkunnige er oppdatert.
BEKLAGAR: Rose-Marie Christiansen, direktør i Helseklage, nasjonalt klageorgan for helsetjenesten.
Foto: Aadne SinnesHar 600 saker som er eldre enn to år
Direktøren opplyser at ein ny sakkunnig no er på saka. Men når den kjem opp i Pasientskadenemda, våger ikkje Christiansen love.
Ho vedgår at det var NRK sin førespurnad i vår som gjorde at saka vart tatt ut av ventebunken. Men avviser at det må presseomtale til for at det skal bli fortgang i saker.
– Sjølsagt ikkje. No har vi 600 saker som er eldre enn to år. Vi har ein plan for korleis vi skal få minska talet.
Les om Vidar Berg-Hansen som også kjempa for erstatning.
Sivilombodsmannen krev kortare behandlingstid
I løpet av tre siste åra har Sivilombodsmannen (SOM), som skal kontrollere forvaltninga, behandla over 70 klagesaker frå pasientar som ventar i årevis på svar.
Helseklage bruker mykje lenger tid enn det som er vanleg i andre forvaltningsorgan vi kan samanlikne med, seier Sivilombodsmann Aage Thor Falkanger til NRK.
– Klagarane er ofte i ein sårbar situasjon, då blir ventetida ekstra krevjande.
Halvparten av sakene som ankeinstansen Pasientskadenemda så langt i 2018 har behandla, hadde lege i meir enn to år.
Det nasjonale helseklageorganet vart flytta frå Oslo til Bergen i 2016. Inntil nyleg har dei slite med å få nye fagfolk. No har Helseklage også vorte lova meir pengar på Statsbudsjettet, opplyser Christiansen.
Ho tek kritikken frå Sivilombodmannen «på djupaste alvor.»
– Hadde ikkje trudd det var så ille.
Advokat Bjørn Brauti har 20 års røynsle med 400 pasientskadesaker. Ei av dei er Hartweg si. Om datakrøllet i Helseklage seier Brauti:
– At ei sak som det er livsnaudsynt å få avklart raskt, blir liggande i fem månader som følgje av internt rot og rutinemangel, er svært utovekkande. Eg trudde ikkje det var så ille.
NRK har omtalt saka til Hartweg fleire gonger. I fjor haust fortalde han om mange år med store diareplager, depresjonar og sjølvmordforsøk. Det starta med ein operasjon i magen i 2009 som gjekk gale. Norsk pasientskadeerstatning (NPE) avslo erstatning for varig tapt arbeidsforteneste, Hartweg anka til Pasientskadenemda i mars 2016. Sidan har ingenting skjedd. Før den vart tatt ut av bunken i april, men send til ein lege som hadde slutta som sakkunnig.
– Helseklage skulle fått oppleve det eg har gått gjennom, seier Hartweg, som ikkje legg skjul på at han er bitter.
SVÆRT UROVEKKANDE: Advokat Bjørn Brauti har 20 års røynsle med 400 pasientskadesaker.
Foto: Kari Sørbø / NRK