Laget frå nord lada denne veka opp til kampen med ti minutt med volleyballspel i Telegrafbukta på Sør-Tromsøya. Dei avslutta treninga på kaldt og vått vis.
– Det var det desidert kaldaste eg har opplevd. Det var nesten stiv kulig, seier Johannes Fagervold (17).
Han er ein av dei yngste spelarane på det svært unge BK Tromsø-laget. I løpet av sesongen har dei tidvis hatt ein gjennomsnittsalder på banen på under 20 år.
Laurdag kan han vere med å ta laget sin ellevte kongepokal.
Då ventar tøff motstand i NM-finalen mot Koll i Ekeberghallen i Oslo.
– Det er ikkje noko du får oppleve kvar dag i Volleyball-Noreg.