Mol og Sørum med nytt OL-våpen – håpar konkurrentane ikkje oppdagar det

TOKYO/OSLO (NRK): Stjerneduoen Anders Mol og Christian Sørum har eit ess i ermet før OL.

Sommer-OL i Tokyo 2021

AVGJERANDE: At ballen ikkje sklir av armen i mottak eller forsvar, er viktig for dei norske gullhåpa.

Foto: Heiko Junge / NTB

– Eg lurer på kva dei andre tenkjer. Dei må jo tru at vi har smurt noko jæklig med solkrem på armane.

Det seier ein sveitt Anders Mol til NRK etter at media fekk møte stjerneduoen midt i OL-oppladinga i slutten av juni. For i Tokyo er dei blant Noregs store medaljefavorittar når det heile brakar laus på laurdag.

Med seg i bagasjen til Japan har dei òg med seg noko heilt spesielt.

– Det blir spennande å sjå, det fungerer iallfall. Det var ikkje noko spørsmål om kva det var, seier Christian Sørum til NRK.

For duoen har brukt det hemmelege trikset fleire gongar i dei siste turneringane der det har vore høg luftfukt. Det er det venta at det blir også i Tokyo.

Magnesium er nemleg det hemmelege trikset dei har drege ut av hatten, eller frå sanden i dette tilfellet. Første gongen dei nytta seg av magnesiumtrikset var i prøve-OL i 2019. Etter det har dei brukt det kvite pudderet flittig.

– I prøve-OL var det veldig fuktig. Vi klinte på litt magnesium på armane. Det ser jo ikkje bra ut sidan du blir kritkvit, men ballen glir ikkje like mykje av. Vi har stor tru at det òg kjem til å fungere i OL, seier Sørum.

  • Sjå Anders Mol forklare magnesiumløyndommen lenger nede i saka.
Anders Mol og Christian Sørum

KVIT ARM: Ein kan så vidt sjå det, men det kvite på armen til Christian Sørum er magnesium. Dette er frå prøve-OL i Tokyo i 2019.

Foto: TOSHIFUMI KITAMURA / AFP

Håpar konkurrentane ikkje oppdagar det

Det var TV 2 som omtala saka først.

Magnesium er eit grunnstoff og eit mineral som er viktig for funksjonen til kroppen. Mineralet er essensielt for å halde oppe ein normal muskel- og nervefunksjon og for kroppen sin eigne energiproduksjon.

Til vanleg i idrett høyrer ein ofte om å ta magnesium for å hindre leggkrampar, men no har altså stjerneduoen funne eit heilt anna bruksområde.

– Etter at vi har påført magnesiumet så gjer det at ein ikkje sveittar like mykje på hendene. Når eg gjer mottak sklir ikkje ballen like mykje av. Det blir gull verd å ha, seier Mol.

  • Sandvolleyballturneringa startar laurdag med Mol og Sørum som spelar mot Australia klokka 15:00. Dei spelar tre kampar den første veka.
Mol/Sørum

SENSASJONELLE SIFFER: Anders Mol (t.v.) og Christian Sørum (t.h.) har herja i internasjonale turneringar dei siste tre åra og står med utrulege 16 turneringssigrar, inkludert tre EM-gull.

Foto: Heiko Junge / NTB

Magnesium blir òg brukt i hendene for å tørke dei ut. I til dømes styrkeløft og klatring blir det brukt for å ha eit ekstra solid grep.

Stjerneduoen har ikkje sett nokon av dei andre konkurrentane bruke magnesium endå. Dei håpar òg at ingen av dei andre sandvolleyballspelarane oppdagar trikset før OL som byrjar 23. juli.

– Det blir spennande å sjå om andre dreg det opp – og då for første gong, seier Sørum.

Anders Mol forklarer hvordan deres magnesiumshemmelighet fungerer.

Første streken i rekninga påverkar dei ikkje

Duoen har likevel møtt motgang for første gong på tre år. I dei tre siste turneringane vart dei slått ut før kvartfinalane. Dette har ikkje skjedd sidan 2018.

– Det var kanskje på tide at vi fekk litt motgang, seier Mol.

Anders Mol (t.h.) og Christian Sørum (t.v) tar seg en pust i bakken underveis i treningen

PUST I BAKKEN: Men kvile har dei ikkje gjort så altfor mykje det siste året, det må trening til for å halde seg på toppen. Her med Anders Mol (t.h.) og Christian Sørum (t.v.)

Foto: Anders Boine Verstad / NRK

For dei har vore nummer ein i verda i tre strake år og duoen lèt ikkje sjølvtilliten forsvinne av den litt ustabile OL-inngangen.

– Vi går inn i kvar turnering som favorittar, men likevel klarer vi å spele bra volleyball, seier Mol.

– Vi ønskjer å vinne kvar kamp vi stiller opp i, og det gjer vi ikkje no. No har vi vore heime og trena litt på nytt. Motivasjonen har vore på topp for å trene hardare og gjere det bra her, seier Sørum.

Konkurrentane siktar på Mol

Det skal seiast at Mol har slite med hofteskade ein liten periode. Det har ført til at motstandarane har sikta mot han på servane.

Det bekymrar han ikkje nemneverdig, for no kjennest hofta fin igjen.

– Dei har serva meir på meg dei siste turneringane. Dei har gjort det mange gonger før også, og ikkje lykkast med det. No har det vore nokre dårlege kampar frå meg der eg ikkje har den beste statistikken. No har eg tenkt å motbevise dei, seier Mol.

Kåre Mol (t.v.), Anders Mol (i midten) og Christian Sørum (t.h.) på trening på Kringsjå

GULLTRIO?: Kåre Mol (t.v.) er far til Anders Mol (i midten) og landslagstrenar for mellom anna makkeren til sonen Christian Sørum (t.h.).

Foto: Anders Boine Verstad / NRK

Sjølv om dei har ein solid CV har Mol og Sørum aldri delteke i nokon olympiske leikar tidlegare. Bobla som ventar i Tokyo blir nok ei utfordring for gullkandidatane.

– No er det eit OL med ein litt annan setting enn til vanleg, men det blir gøy å komme ned der og sjå kva denne OL-hypen eigentleg er, seier Mol.

Siste nytt

  • Obaidli storspilte mot Follo

    Anniken Obaidli var kampens dominerende spiller da Storhamar inntok tabelltoppen med 35-25 borte mot Follo i eliteserien i håndball for kvinner.

    Anniken Obaidli stoppet på ti fulltreffere i kampen hvor det sto 17-11 ved pause.

    Sola hadde små problemer borte mot Oppsal. Det endte med 34-29. Kaja Horst Haugseng og Kristian Sirum Novak stoppet på sju mål hver, mens Lina Marie Jensen ble Oppsals storscorer med åtte mål.

    Tertnes vant med 35-29 hjemme mot Larvik. (NTB)

  • Ødegaard ikke i Arsenals tropp

    Martin Ødegaard er ikke med når Arsenal møter AFC Wimbledon i 3. runde av ligacupen onsdag 20.45.

    Arsenal-manager Mikel Arteta har valgt å hvile mange av profilene mot klubben fra nivå tre.

    Ødegaard mottok ros fra Arteta etter at han ble matchvinner i helgens kamp mot Burnley.

    Britain Soccer Premier League
    Foto: Anthony Devlin / AP
  • Drømmedebut for Sakor

    Dagen etter at Vajebah Sakor ble klar for Brann, scoret han sitt første mål. Innbytteren trengte litt mindre enn fire minutter på banen for å gjøre seg bemerket da Brann slo Harstad 5–0 i 3. runde av cupen.

    Bergenserne ledet 1–0 mot 4-divisjonslaget til pause etter mål av Mathias Rasmussen. I 2. omgang ble forskjellene mellom topp og bredde synligere. Moonga Simba la på til 2–0, før to raske mål av Aune Heggebø doblet ledelsen til 4–0.

    Sakor fastsatte sluttresultatet til 5–0 i det 71. spilleminutt.

Sendeplan

Kl. Program Kanal