Kristoffersen på treningsleir med landslagskompis

Henrik Kristoffersen er framleis utestengt frå landslaget, men reiser likevel på ferie og treningsleir til Kypros med landslagskamerat Adrian Smiseth Sejersted.

Henrik Kristoffersen

KLAR FOR SOL: Henrik Kristoffersen er klar for sol og varme når han reiser på ferie og treningssamling til Kypros.

Foto: Erik Johansen / NTB scanpix

– Eg, Henrik og ein kompis reiser til Kypros på laurdag. Vi kjem til å vere der i ti dagar og trene ein del saman der, seier Adrian Smiseth Sejersted til NRK.

Adrian Sejersted

VENN: Adrian Smiseth Sejersted.

Foto: Håkon Mosvold Larsen / NTB scanpix

Landslagsløparen er god venn med Kristoffersen og vedgår at han har sakna den utestengte kompisen.

– Det har vore litt rart så klart. Eg er ein god venn av Henrik. Og det er litt synd at han ikkje har fått vere med å trene den siste tida. Men det har han takla ganske bra, trur eg, seier Smiseth Sejersted til NRK, som fortsatt er under opptrening etter kneoperasjonen for fire månader sidan - ein skade som satte han ute av alpin-VM i St. Moritz i februar.

I tillegg til å reise på ferie og treningsleir saman, har Bærum-løparen og Kristoffersen hatt fleire økter ilag, blant anna på Crossfit Gjøvik, viser bilete frå Kristoffersens Instagram-konto.

– Ikkje optimalt

Kristoffersen underteikna landslagssavtala til Norges Skiforbund mandag denne veka. Og får dermed konkurrere for Norge i verdscupen og i OL.

Men Rælingen-karen får fortsatt ikkje trene med resten av landslaget før 1. oktober grunna brot på disiplinær- og sponsorreglar.

Etter det NRK forstår har landslagssutøvarane lagt ned ein indre justis om ikkje å uttale seg om konflikta mellom Kristoffersen og alpinleiinga, og Smiseth Sejersted vil heller ikkje kommentere sjølve saka overfor NRK.

– Han får nok trent greit også fram til 1. oktober, men det hadde sikkert vore optimalt for han å vere med oss frå starten av sesongoppkøyringa, seier likevel Bærum-løparen.

SEJERSTED PÅ 15. PLASS I KITZBÜHEL

GLAD: Adrian Smiseth Sejersted blei beste nordmann i utforen i Kitzbuhel med ein 15.plass i januar, men VM rauk etter ein kneskade.

Foto: Cornelius Poppe / NTB scanpix

– Ønskjer dei god ferie

Smiseth Sejersted opplyser til NRK at dei har mottatt råd og tips frå landslagets fysiske trenar Lars Mæland før avreise til sol og varme i sydlegare strøk.

Sportssjef Claus Ryste meiner det er uproblematisk at Kristoffersen reiser på samling saman med ein lagkamerat - trass i at han framleis er utestengt.

– No er det ferietid for utøvarane og ingen aktivitet i landslagets regi, og soleis treng det ingen avklaring. Ønskjer dei ein god ferie på Kypros, skriv Ryste i ei tekstmelding til NRK.

Henriks pappa, Lars Kristoffersen har ikkje svart på NRKs førespurnad om saka.

Men Smiseth Sejersted stadfestar at turen er ein kombinasjon av ferie og trening.

– Personleg kan eg ikkje ta så mykje fri. Eg har ingen tid å miste i forhold til opptrening av kneet. Men det blir også litt enklare dagar med sol, varme og bading i tillegg, seier Adrian Smiseth Sejersted.

Siste nytt

  • Lagerbäck vraker Johansen

    Norges lag i den viktige nasjonsligakampen mot Kypros er klart, og kaptein Stefan Johansen starter på benken. Disse starter: Jarstein, Elabdellaoui (K), Nordtveit, Rosted, Meling, Fossum, Henriksen, Selnæs, M. Elyounoussi, Kamara og T. Elyounoussi.

    Nasjonsliga Kypros mot Norge.
    Foto: Lise Åserud / NTB scanpix
  • Narvik valgt som norsk VM-kandidat

    Skiforbundet har valgt Narvik som søkerby til en eventuell søknad for VM i alpint i 2027. Det offentliggjorde skipresident Erik Røste på en pressekonferanse på Gardermoen mandag. Hafjell/Kvitfjell var den andre aktuelle kandidaten.

    Norsk søkerkandidat til alpin-VM
    Foto: Ørn Borgen / NTB scanpix
  • To norske EM-sigrar i dag

    Steffen Walstads mannskap slo Polen 9-3 og Tyskland 7-4 i dagens to kampar i curling-EM i Estland. Norge har dermed tre sigrar og to tap hittil.

    Tysdag morgon møter Norge Sverige, som har vunne alle sine kampar hittil.

    Steffen Walstad
    Foto: John Locher / AP

Sendeplan

Kl. Program Kanal
VM sjakk: Parti 8 Magnus Carlsen - Fabiano Caruana
VM sjakk: Parti 8
VM sjakk: Parti 8: Magnus Carlsen - Fabiano Caruana
Pressekonferanse sjakk-VM
Nasjonsligaen: Kypros - Norge