Harald møtte Ali i ringen: – Fekk vel inn fem slag

Som einaste nordmann, har Harald Skog (67) møtt Muhammad Ali i bokseringen.

Muhammad Alis død har rystet en hel verden og mange ønsker å gi sin kondolanse.

I RINGEN: Her er Harald Skog i ringen mot Muhammad Ali i 1979.

I dag tidleg norsk tid kom meldinga om at bokselegenden Muhammad Ali har gått bort, 74 år gammal.

Han vert regna som den største boksaren gjennom alle tider, og berre ein nordmann har gått i ringen mot Ali – 67-åringen Harald Skog.

– Eg klarte vel å få inn fem slag på dei tre rundane vi gjekk, seier Skog til NRK.

Året var 1979 og Muhammad Ali hadde tatt turen til Norden for å bokse oppvisningskampar. I Oslo møtte han norske Harald Skog, som representerte Norge under sommar-OL i 1972.

Harald Skog

I DAG: Det har gått 37 år sidan Harald Skog fekk bokse mot Muhammad Ali.

Foto: Hanne Skjellum Mueller / NRK

Møttest i Vegas

Skog vart kjende med Ali på 1970-talet og tok imot meldinga om hans bortgang med sorg.

– Det var utruleg triste nyheiter. Eg vil sende mi medkjensle til hans familie og vener, seier Skog.

På 1970-talet var Skog i Las Vegas fleire gonger, og det var der han vart kjende med bokselegenden.

– Vi vanka på det same hotellet og han hadde middag med oss nokre gonger, fortel Skog.

Blomster for Ali

BLOMAR FOR ALI: Folk har strøymer til Muhammad Ali-senteret i delstaten Louisiana

Foto: Gro Holm / NRK

Kampen mot Skog kom i stand då Ali var på rundreise i Norden.

– Kunne du slått han?

– I boksing? Nei, men kanskje i poker. Der hadde eg hatt ein sjanse, seier Skog med eit smil.

Frå slutten av 1970-talet og gjennom 1980-talet treftest Skog og Ali regelmessig. Han minnes Ali som ein intelligent person, som viste mot og sto for dei meiningane han hadde.

– Mitt beste minne er frå kampen vi hadde, då han klappa meg på rumpa. Etter kampen sa han til meg at han måtte gjera det for å visa at han var best, seier Skog.

Siste nytt

  • Mulig VM-krise for Fourcade

    Martin Fourcade sto over verdenscuprennene i USA og Canada i februar for å trene mot VM i skiskyting.

    Lørdag reiste han hjem fra samlingen med sykdom. Fortsatt er de norske utøvernes kanskje største VM-konkurrent febersyk.

    – Det er ganske kritisk hvis han blir liggende med feber i flere dager i strekk i oppkjøringen. Det vil redusere formen hans, sier NRKs skiskytterekspert, Liv Grete Skjelbreid.

    Martin Fourcade.
    Foto: Christof Stache / AFP
  • Kristoff brøt ritt etter velt

    Alexander Kristoff veltet på den sjette etappen av Tour of Oman, og arrangøren bekrefter at nordmannen har brutt rittet som følge av velten. Ifølge TV 2 er det ukjent hvor alvorlig velten har vært.

    Kristoff.
    Foto: Heiko Junge / NTB scanpix
  • Warholm til EM

    Karsten Warholm er klar for innendørs EM i Glasgow. Det var en stund usikkert om han skulle dit, men Warholm skriver selv på sin Instagram-konto at han og trener Leif Olav Alnes har bestemt at han skal dit. Mesterskapet er fra 1. til 3. mars.

    Friidrett: Nordisk innendørslandskamp og mesterskap individuelt
    Foto: Heiko Junge / NTB scanpix

Sendeplan

Kl. Program Kanal