NRK Meny
Normal

Ojo-show rysta Rosenborg

Rosenborg skulle køyre over vanskeleg stilte Brann. I staden ga ein eliteseriedebutant fjorårets seriemester eit solid knyttneveslag i serieopninga.

Brann - Rosenborg

DRØYMEDEBUT: Branns nysignering Kim Ojo blir gratulert av trenar Rune Skarsfjord etter ein fenomenal debut i Bergen.

Foto: Hommedal, Marit / SCANPIX

Han kom frå Nybergsund i 1. divisjon og hadde aldri spelt eit minutt i Eliteserien.

Søndag kveld vann nigerianske Kim Ojo fansens hjerter då han latterliggjorde Rosenborg i Branns 2-1 siger.

– Det var for å oppleve dette eg kom til Brann. Publikum var fantastiske. Eg takkar gud og medspelarane mine for dette, seier Ojo til NRK.no.

  • Ekspertane ventar at Brann vil slite i årets eliteserie. Kva trur du etter dagens kamp? Diskutér nedst i saka!

Maktdemonstrasjon

Om Ojo held fram som i serieopninga kan han fort bli ein dominant profil i den øvste divisjonen.

  • Mot Rosenborg traff Brann tverrliggaren tre gonger. To av treffa var signert Kim Ojo.
  • Nemnde Ojo opna bergensarane sitt scoringsball i Rosenborgs marerittkveld då han heada bergensarane i føringa.
  • Nigerianaren blei også regissør i kampen då han like før pause assisterte Bjørnar Holmviks 2-0-scoring.

(artikkelen held fram under biletet)

Brann - Rosenborg

OJO-SHOW: Kim Ojo jublar etter 1-0 scoring mot Rosenborg.

Foto: Hommedal, Marit / SCANPIX

Skarsfjord ventar nedturar

Eit Brann i sterk motvind er venta å slite denne sesongen. Økonomiske byrder og ein ung spelarstall er grunnen til dette.

Difor har trenar Rune Skarsfjord hatt ein enorm jobb med å motivere disiplane sine. Han er også klar for å møte periodar med stor motgang i serien.

– Vi må takle å få noen karamellar av og til. Det kjem vi også til å få. Vi har eit ungt lag og kjem ikkje til å levere som i dag kvar gang, seier Skarsfjord.

Heimelaget stakk av med tre overraskande poeng mot Rosenborg, men Skarsfjord held beina godt planta på jorda.

– Publikum i Bergen tar av i medgang. Det er viktig at vi ikkje mistar bakkekontakten.

Les om dei andre eliteseriebataljane her:

Jönsson: – Kan ta tid å nå toppen

Under kampen var Rosenborg ikkje i nærleiken av å skape noko som helst før Mushaga Bakenga reduserte for gjestane i det 68. minutt.

Nærmare siger kom ikkje trønderane i serieopninga.

– Vi har mange nye spelarar. Eg trur det er ein del av grunnen til at vi ikkje leverte frå vår beste side i dag, seier Rosenborg-trenar Jan Jönsson.

Jönsson er ikkje superoptimist med tanke på suksess i nær framtid.

– Det vil kunne ta tid før vi er på topp, fortel Jönsson.

Fotballnyheter

Videoklipp

En viktig scoring for Norge av Martin Ødegaard mot Irland.
Se alle målene her.
Se alle målene her.