– Dette er ein person vi meiner å vite kven er. Vi søker etter vedkommande andre stader enn på ulykkesstaden no, seier operasjonsleiar Geir Andersen til NRK.
– Vi har søkt gjennom området med hund utan relevante spor som tilseier at han er i terrenget, seier han.
Ved 11.30-tida tysdag melde politiet at dei har avslutta leitinga etter føraren.
Stakk frå kontroll
Det var litt over klokka sju tysdag morgon at bilen vart oppdaga nede i holet.
Det vart raskt slått fast at det ikkje var nokon førar i bilen.
Den same bilen stakk av frå ein trafikkontroll på Birkeland natt til tysdag.
Holet skal vere kring fem meter djupt.
Ber om tips
– Det er med bakgrunn i vår kjennskap til mistenkte. Meir enn det ynskjer eg ikkje å seie, seier Andersen.
– Betyr dette at han er farleg?
– Ikkje for folk flest. Men dersom nokon meiner å vite kven det er og kvar han kan vere, ynskjer vi at dei varslar politiet og ikkje grip inn sjølv, seier operasjonsleiaren.
