NRK Meny
Normal

Jaktar sin tredje strake siger

Serieleiar Vipers Kristiansand jaktar sin tredje strake siger i årets eliteserie når dei møter Sola på bortebane.

Gunnar Pettersen, Vipers Kristiansand

Gunnar Pettersen på sidelinja i oppgjeret mot Rælingen førre søndag.

Foto: Per-Kåre Sandbakk/NRK

– Eg ser føre meg at Sola-kampen blir litt som dei to første kampane. Det går mest på førebuingane i hovudet. Er vi klar trur eg vi tek Sola, seier Marta Tomac til NRK.

Ho har vore sentral i dei to først sigrane mot Molde og Rælingen.

Etter to strake sigrar toppar sørlendingane eliteserietabellen.

– Nokon vil nok seie at det er som venta. Men i fjor klarte vi ikkje å slå dei antatt dårlegare laga. Vi får ein same type kamp mot Sola, seier trenar Gunnar Pettersen.

Førstkommande onsdag kjem fjorårets sølvvinnar Glassverket på besøk i Aquarama. Den kampen vil ikkje Pettersen tenke på endå.

– Det får vi halde litt unna til vi er ferdige med Sola, men du har rett i at det nærmar seg, smiler Pettersen.

Svenske Ulrika Olsson har blitt toppscorar i begge dei to første eliteseriekampane.

– Vi har variert veldig i prestasjonane i dei to kampane. Vi var mykje meir pressa mot Molde enn mot Rælingen. No møter vi Sola borte og dei har publikum i ryggen, så vi må vere på, seier ho.

Karin Weigelt, Vipers Kristiansand

Karin Weigelt scorar mot Rælingen.

Foto: Per-Kåre Sandbakk/NRK