– Neste stortingsperiode vil vi støtte eit forslag, slik både Sp og Ap har fremma, om å reversere heile denne tvangsprosessen.
SKILSMISSESTØTTE: Talspersonane Rasmus Hansson og Une Aina Bastholm i MDG vil oppheve kommunetvang.
Foto: Vidar Ruud / NTB scanpixDet seier Stein Malkenes, fylkesleiar og stortingskandidat for Miljøpartiet Dei Grøne i Sogn og Fjordane.
Han har akkurat forankra dette med dei nasjonale talspersonane i partiet, Rasmus Hansson og Une Aina Bastholm.
Alt i januar lovde Arbeidarpartiet at dei vil gjere om på alle tvangsvedtak.
Ein lovnad som stortingsrepresentant Ingrid Heggø (Ap) no gjentek.
- BAKGRUNN:
Ein «ventil» for tvang
– Det er opp til den einskilde kommunen å ta kontakt med Stortinget og seie: vi ønskjer ikkje å gjennomføre denne tvangen.
– Dette er ein «sikkerheitsventil» for dei tvangssamanslåtte kommunane.
- Les også:
– Men Stortinget bestemmer kommunekartet. Kvifor er det så ille at dei nyttar styringsretten til å gjere det?
– Vi må ha lov til å gjere om på dette. For eit stortingsvedtak gjeld berre fram til eit nytt er fatta, seier Ingrid Heggø.
SAMAN MOT TVANG: Stortingsrepresentant Ingrid Heggø lovar at Ap vil gjere om tvangsvedtak. Her er ho saman med fylkesleiar og andrekandidat til Stortinget, Hilmar Høl.
Foto: Christian BlomGrøn støtte til raudgrøne
Og no får altså dei raudgrøne skilsmissekameratane støtte frå dei uavhengige grøne.
– Lokaldemokratiet har ein viktig plass i vårt partiprogram, seier Stein Malkenes (MDG).
- MDG har vore opptekne av å seie de er blokkuavhengige. Har de no teke parti med venstresida i politikken?
– Nei, det har ikkje noko med dette å gjere. I denne konkrete saka har vi valt å støtte dei partia som vil reversere denne tvangsreforma.
Høgre: – Uheldig uro
Stortingsrepresentant Bjørn Lødemel (H) i kommunalkomiteen har lite sans for utspela.
POLITISK MYNT: Stortingsrepresentant Bjørn Lødemel (H) meiner tvangsmotstandarane prøver å slå politisk mynt på ei krevjande sak.
Foto: Erlend Blaalid Oldeide / NRK– Eg tykkjer dette er veldig uheldig. Dei skapar ei unødig uro.
Han meiner det er viktig med stabilitet i ein så krevjande prosess.
– Reforma har vore ein kjempesuksess. Vi har fått til eit hundretals kommunesamanslåingar. Der vi har nytta tvang har det vore naudsynt av regionale omsyn. Til dømes for å sikre dei statlege arbeidsplassane i Sogn, seier Bjørn Lødemel
