Dán jagi vuittii Ina Marie Logje biilla, mas ruhtaárvu lea 300.000 ruvnno. Vuorbádeapmi dáhpáhuvai jura maŋŋelis oaggungilvvu loahpa Suohpajávrri gáttis Guovdageainnu čoahkkebáikkis.
–Mun in báljo jáhkkán ahte mun dat ledjen vuoitán biilla, go dat orui áibbas amas ahte mun dat galget stuorimus vuoittu oažžut. Nu dadjá biilla vuoiti, Ina Marie Logje, ja lohka iežas ilus go vuittii biilla.
Aggregáhta vuittii Tina Marita Singer, ja Ida Therese Storslett vuittii 25 000 ruvnno vuorbádeamis.
Guovdageaidnulaš Håkon Isak vars vuittii 75000 ruvnno falástallanservvi vuorbádeamis.
Foto: Eva RovaHåkon Isak Vars vuittii 75 000 ruvdnosaš ruhtavuoittu Falástallansearvvi vuorbádeamis.
– Duođai somá, ja vel suohttaseappot go vel iežan jávrris dát gilvi lágiduvvo, dadjá Håkon Isak Vars gii orru lahka oaggunbáikki Suohpajávregáttis.
Vuoittut ledje oktiibuot 425.000 ruvnno ovddas, ja ledje ieš guđetlágan vuoittut. Biila lei stuorimus vuoitu ja aggregáhtta ges unnimus vuoitu. Dasa lassin ledje velá ruhtavuittot.
Dá lea biila mii lei vuosttašvuoitu Guovdageainnu Falástallansearvvi oaggungilvvu vuorbádeamis 2017 skilleduorastaga.
Foto: Johan Mikkel Bongo / Kautokeino ILVuoitu unnimus guolis
Oaggungilvui ledje ollugat searvan, ja máŋggas ledje boahtán eará báikkiin Guovdageidnui, muitala Guovdageainnu Falástallansearvvi jođiheaddji, Kristine Julie Eira.
Stuorimus guoli gottii John Rikard Mienna, ja oaččui 15 000 ruvnno 1094 grámma sturrosaš njágás.
Maiddái unnimus guolis oaččui guollebivdi skeaŋka. Guolli dettii 21 grámma man Simon Timilov gottii, ja oaččui 7500 ruvdnosaš vuoittu unnimus guolis.
