Vuittiiga Sámi Grand Prix
Dán jagi Sámi Grand Prix vuoitit leaba Mihka Helander ja Andreas Gundersen «Ále guođe mu» šuoŋain. Soai vuittiiga lávlunoasi.
– Ollu, ollu giitu buot jienaid ovddas, logai Mihka lávddis go áddii ahte lei vuoitán.
Juoiganoasi vuittii máttasámi juoigi Saara Hermansson «Goeksege» luđiin.
Son muitalii NRK:ii ahte luohti bođii sutnje go son lei «date»:as muhtin gánddain, ja son lei bovden Saara mielde ealgabivdui. Go gánda jávkkihii meahccái ja guđii alccet «date»:a dasa, de iđii guovssat su lusa.
Nu bođii «Goeksege» luohti Saara Hermanssonii.