NRK Meny

Válde gitta dievddu

Politiijat leat váldán gitta 36-jahkásaš dievddu gean navdet goddán niibbiin 26-jahkásaš nissonolbmo Eanodaga suohkanis, láhka Guhttása lávvordaga iđđes. Suoma politiija muitala ahte sihke dievdu ja nissonolmmoš leaba olgoriikalaččat. Dagu maŋŋel báhtarii dievdu buollašis meahccái. Politiijat ozai dievddu skohterin ja helikopteriin ja ožžo su gitta moatti diimmu ohcama maŋŋel. Dievdu lea dál giddagasas.