NRK Meny

Unnit bálká ruvkebargiide

Mátta-Várjjaga ruvkebargit ja jođiheaddjit leat miehtan unnit bálkkáid vai sin bargosadji ceavzzášii. Jahkebeali sisa galgá bálká geahpeduvvot bargiin.
Vaikko Mátta-Várjjaga ruvke fitnodat dál lea roggan eambbo málmma go goassige ovdal, de leat ruvkebargit ferten miehtat unnit bálkái, vai bargosadji ceavzzášii. Málbmahaddi lea maŋemus jagiid garrasit njiedjan ja dat lea dagahan ahte Mátta-Várjjaga ruvkefitnodagas leamaš vuolláibáza máŋga maŋŋálas jagi.