Unnán olbmot álbmotriemuin

Dán vahkkoloahpa «Álbmotriemut Riehpovuona várás» (Folkefest for Repparfjord) geasuhedje unnán olbmuid. Luonddu ja nuoraid (Natur og ungdom) lágidan konsearttas lávvardaga guoimmuhedje Eirk Lyng ja ISÁK ja sullii 30 olbmo čuvvo konseartta. Searvvi jođiheaddji, Gaute Eiterjord, muitala NRK Sápmái ahte guoktelogiviđas ledje searvvi leairras dán vahkkoloahpa.

Folkefest for Repparfjord
Foto: Dan Robert Larsen / NRK

Korte nyheter

  • Bieggafápmu Davvesiiddas

    Davvesiida ovdagotti eanetlohku háliida ahte gielddastivrra gieđahallá Davvi Vindkraftverk ohcama, go áigot hukset bieggajorripárkka gildii.

    Olggobeale fámut hástalit Davvesiidda gielda gieđahallat bieggajorripárkka huksema, ovdal go ráđđehus ja Stuorradiggi leat gieđahallan ođđa bieggafámohuksen njuolggadusaid, nu cealká Norgga Luonddugáhtten lihttu.

    Sii eai áiggo mearridit galgá go huksejuvvot vai ii, muhto baicca ahte galgá go Davvi Vindkraft ohcamuš gieđahallojuvvot, dadjá Davvesiidda sátnejođiheaddji Sigurd Rafaelsen.

    Sigurd Kvammen Rafaelsen og fjellområdet der Davvi vindkraftverk er planlagt.
    Foto: HANNE BERNHARDSEN NORDVÅG / NRK / ARKIV
  • Eanandoarggástus Geaidnogáissás

    Olbmot dovde eanandoarggástusa viidát maid Ohcejoga gielddas ovdalaš guovtti lávvardat čuovganeapmái, nu čállá Yle Sápmi. Amas julla gullui ja lasaid skiliheapmi dihtui juoba gitta Gáregasnjárgga ja Njuorggáma guovllus ja muhtimat lohke gullan maid dego beaškkiheami. Helssega universiteahta seismologalaš lágádusa dieđuid mielde eana sparahii 2,6 magnituda fámuin Geaidnogáissás Norgga bealde. Guovllu olbmot leat govvidan jiena dego stuorra lástabiilla livčče vuodján ráhpaguora. Julla bisttii logemat sekundda.

    Geaidnogáisá
  • Gáibida ráđđehusa čuovvulit duomu

    Sámediggepresideanta Silje Karine Muotka gáibida Norgga ráđđehusa jođánepmosit čuovvulit Alimusrievtti duomu Fovsen áššis. Lea jo gollan guhtta vahku go duopmu celkui, ii ge Sámediggi leat ožžon makkárge čilgehusaid maid departemeanta áigu bargat, čállá Muotka oljo- ja energiijaministarii. Duopmu mieđihii ahte Fovsen bieggafápmoguovlu Trøndelágas rihkku guovllu badjeolbmuid vuoigatvuođaid.

    Silje Karine Muotka
    Foto: Samuel Frode Grønmo / NRK