Stuorra miellačájáhusat Polenis
Polenis lea leamaš juo moadde jándora stuorra miellačájáhusat. Olbmot vuostálastet garrasit ráđđehusa plánaid gáržžidit mediaid vejolašvuođa čuovvut mielde mii dáhpáhuvvá riikka našunálačoahkkimiin.
Lávvardateahkeda ledje miellačájáhusat miehtá riikka, ja miellačájeheaddjit huike čurvestagaid nugo "friddjavuohta, ovttaláganvuohta ja demokratiija". Maiddái riikka našunálačoahkkimis ledje ikte vuostálastinakšuvnnat gos opposišuvdnapolitihkkárat čájehedje vuostehágu plánaide.