Hopp til innhold

Skeŋkejit lagabui 200 duhkorasa ovdalaš juovllaid

Karina Kaaby (33) ovttas iežas máná guovttuin juogadit juovlailu earáiguin.

Karina Kaaby gir bort ubrukte og gamle leker til jul.

SKEAŊKKAT DIEVVA: Stuorámus duhkorasat šaddet juovlaskeaŋkan, ja eará duhkorasat ges heivejit kaleandarskeaŋkan.

Foto: Ellinor Skartland / NRK

Les på norsk.

Kárášjoh-bearaš lea vihtta jagi jo geahččalan buoridit earáid juovladovddu. Dán jagi skeŋkejit guhtta iešguđetlágan adveantakaleandara.

Skábmamánu álggus jo ohcagohte duhkorasaid, mat eai heive šat máná guoktái agi dáfus.

– Dán jagi lean páhkken 192 adveantaskeaŋkka. Lean juohke jagi addán visot kaleandariid, eaige leat ovttage jagi báhcán mus kaleandarat.

Karina (33) og Jon Mihkkal (6) pakker inn adventskalender.

Jon Mihkkal (6) mielas lea somá skeŋket duhkorasaid maiguin son lea menddo stuoris stoahkat.

Leker som ikke lekes med blir til adventskalendere.

Dađistaga go sturrot, de eai šat stoaga mánát nu dávjá daiguin. Dalle lea buorre ahte earát besset daiguin stoahkat, muitala eadneolmmoš páhkkedettiin skeaŋkkaid.

Lagabui 600.000 olbmo muitalit ahte eai illut juovllaide, čájeha UNICEF jahkásaš guorahallan. Lohku lea lassánan diimmá rájes.

– Ii leat hávski dovdat ahte ii leat doarvái buorre ekonomiija, ii goit dán mánus. Olmmoš han háliida skeŋket juoidá mii lea veahá earenoamáš iežas mánáide, ja jos dát sáhttá leat veahkkin de han dat lea hui buorre, dadjá Karina.

Leatgo dus alla vuordámušat juovlaskeaŋkkaide?

Muhto Karina ieš ii dieđe gal, geat ožžot skeaŋkkaid.

Son čilge ahte dábálaččat lea muhtin eará, gii váldá oktavuođa suinna ja viežžá de kaleandariid. Danin ii leat goassege ieš deaivan sin geat ožžot kaleandariid.

– Dat gal manná áibbas bures, mun ádden ahte lea váttis olbmuide dovddastit ahte sis lea heajos ruhtadilli, ii han dat leat mihkkege čiegusvuođaid ahte buot lea divron.

Alla vuordámušat

Maiddái DNB ekonoma Silje Sandmæl oaivvilda ahte lea buorre skeŋket diŋggaid, maid olmmoš ii šat geavat ieš.

Son muitala ahte olus dovdet alla vuordámušaid ovdalaš juovllaid. Sihke skeaŋkkat ja herskot galggašedje ostojuvvot.

Forbrukerøkonom Silje Sandmæl (DNB)

NOAĐĐI: Olbmot sáhttet dovdat veahá dego noađđin jos eai suitte oastit buot maid sii háliidivčče, muitala Sandmæl.

Foto: DNB

– Ii oktage háliit beahttit geange, ja danin oastá divrras skeaŋkka go jáhkká ahte nubbi vuordá dakkára oažžut.

SIFO-guorahallan čájeha ahte 18 proseantta Norgga ruovttudoaluin leat ekonomalaš hástalusat. Dát čuohcá maiddái juovllaid ávvudeapmái.

Sandmæl deattuha ahte ii dárbbaš divrasit ávvudit juovllaid. Ieš sávvá dušše ruovtturáhkaduvvon skeaŋkkaid.

– Mii fertet háleštit ovttas ja ložžet vuordámušaid skeaŋkkaid dáfus. Nu sáhttit šaddat ovtta oaivilii ahte vásáhusat leat seamma buorit dahje šiehtadit ávvudit skeaŋkkahis juovllaid, dadjá Sandmæl.

Hei!

Man somá ahte don leat lohkan olles ášši! Leatgo dus jurdagat ášši birra, dahje cavgileamit maid galggašin geahčadit? Sáddes munnje dieđu. Gulahalle! 

Korte nyheter

  • Gir ut sin første solo-låt etter bruddet

    Loga davvisámegillii.

    Ella Marie Hætta Isaksen skriver på et Instagram-innlegg at hun gir ut en ny låt 8. mars, som heter «Sániid».

    Hun skriver at låten handler om den desperate følelsen når hun ikke finner de rette ordene for å trøste lillesøstra hennes. Dette er den første låten hun gir ut etter at bandet Isák ga seg i fjor høst.

    Hætta Isaksen sa tidligere i år at soloalbumet hennes blir utgitt i forbindelse med Riddu Riđđu-festivalen.

    Ella Marie Hætta Isaksen This is Sami land
    Foto: NRK
  • Kuhmunen oaččui nuoraidbálkkašumi

    Sara Elvira Kuhmunen oaččui odne Såhkie, Ubmi sámesearvvi, nuoraidbálkkašumi. Johkamohkálaš Kuhmunen lea Sáminuorra searvvi jođiheaddji, ja lea maŋemus jagiid áŋgiruššan dáistalit sápmelaččaid vuoigatvuođaid ovddas, ja searvi čállá ahte son lea ovdagovva eará sámi nuoraide iežas čielga ja duostilis jiena dihte. Sutnje geigejuvvo maiddái 5000 ruvdnosaš ruhtaskeaŋkka.

    Earát geat leat ožžon dán bálkkašumi ovdal leat Marja Mortensson, Maxida Märak ja Amanda Kernell.

    Sara Elvira Kuhmunen, Sáminuora jođiheaddji
    Foto: Anne Maret Päiviö / Sameradioen
  • Crewmedlem på en flight fikk utslag på alkometeret

    Under en rutinemessig promillekontroll blås en i crewet på en flight i Øst-Finnmark over lovlig verdi på alkometeret. Politiet i Finnmark skriver at de har sikret bevis og at de har opprettet sak på hendelsen.

    Alkometer
    Foto: Sondre Dalaker