NRK Meny
Normal

Sápmi spesialisere beare nuorra mánáid

Norgga sihkellihttu stivraáirras, Marianne Balto cuiggoda go Sámiid Valáštallanlihttu (SVL) lea válljen guđemuš mánát galget gilvalit oláhit saji Árktalaš dálveriemuide (AWG). – Dasa lassin eai berre 12-14 jahkásaš mánát ná árrat spesialiserejuvvot, nugo čuoigamis dadjá Balto.

Ski, Arctic Winter Games AWG 2012

Vállje go Sámiid Valáštallanlihttu beare árrat čuigiid AWG-gilvvuide - Gilvalit go sámi mánát nuorabun go earát?

Foto: Dan Robert Larsen / NRK

Mannan vahku válljii Sámiid Valáštallanlihttu guđemuš čuoigit galget gilvalit beassat AWG-gilvvuide, ja mánát gittá 12-jahkásaččat. Dán cuiggoda Norgga sihkellihttu stirvraáirras, Marianne Balto. Sii eai spesialisere árabut go earát vástida ođđa vállejuvvon jođiheaddji.

Unnán sámi valáštallit - leago dát sivvá go heitet

Marianne Balto

Sámiid Valáštallanlihttu spesialisere mánáid beare nuorran sierra valáštallansuorgái, oaivvilda Marianne Balto.

Foto: Dan Robert Larsen / NRK

Sámiid Valáštallanlihttu lágida sihke sámimeašttirgilvvuid ja oasálastta AWG-gilvvuin gos mánát gittá 12-jahkásaččan oasálastejit. Norgga sihkellihttu stivralahttu, Marianne Balto cuiggoda go SVLa vállje nu nuorra mánáid gilvalit, ja dasa lassin vel aiggin. Dát soaitá sivvá manne mánát heitet valáštallamin go šaddet 15-16 jahkásaččan, imášta Balto.

Go oaidná muđui báikkálaš čuoigamiid nugo Deanus, de oasálastejit olu eanet máná dáidda gilvvuide go sámi meašttirgilvvuide, dajdá Balto. Norgga Valáštallanlihttu garva beare árrat mánáid spesialiseret duon ja dán valáštallansuorgái, dáppe oččodit buohkaid searvat. Ii oktage galgga olgguštuvvot, dadjá Marianne Balto.

Eai bargga eará láhkái go earát ge

SVL-N ođđa jođiheaddji, Kåre Olli

Kåre Olli mielas eai spesialisere mánáid árabut go earát.

Foto: Ellen Aina Eira / Privat

Áitto válljejuvvon jođiheaddji Sámiid Valáštallanlihttu, Norgga juhkosis, Kåre Olli ii loga árabut spesialiseret sámi mánáid iešguđet valáštallansuorgái go earát ge. Go guoská AWG, de ii mieđit gal Olli ahte válljejit beare árrat mánáid dohko go dáid geaid dál leat válljen, sii galget gilvalit juovlamánus easká sájiide oasálastit Sámi AWGas.

Mánát galget stoahkama bokte valáštallat ja dovdat movttá

Norgga Valáštallanlihttu mihttu lea oažžut fárrui buot mánáid valáštallamiidda, danne lea dehálaš ahte mánát besset stoahkama bokte valáštallat ja mánát galget dovdat ilu go valáštallet, dadjá Marianne Balto. Sámis ovttaláhkái speasialiserejit mánáid beare nuorran. Balto imáštalla lea go son dát sivván manne mánát heitet árabut valáštallat.

Gula Marianne Balto:

Gula SVL-N jođiheaddji, Kåre Olli: