Sámediggepresideanta: – Sámi servodagas moraštat visot maid leat massán dáruiduhttima geažil
Sámediggepresideanta Silje Karine Muotka oaivvilda ahte Norgga stáhta ferte njulget buot dan maid barge jávkkadit sápmelaččaid kultuvrra ja giela.
– Dáruiduhttin dagahii sápmelaččaid duháhiid mielde massit gielaset, kultuvrraset, identitehtaset ja ealáhatvejolašvuođaset. Min servodagas moraštit visot maid leat massán. Buohkain lea riekti oažžut ruovttuluotta dan maid leat massán, jos sii háliidit dan, dadjá sámediggepresideanta Silje Karine Muotka.