Ruvva sáme Netflix-filmma almoduvvá
Strijmmimdievnastus Netflixa ådå filmma «Stjålet» (Suolludahka) la almodimbiejvev oadtjum vuoratjismáno 12. biejve dán jage, tjállá Netflix præssadiedádusán dán ideda.
Elle Marja Eira la filma dåjmadiddje. Filmma l vuododum sáme girjjetjálle Ann-Helén Laestadiusa románas, ja dassta l Peter Birro mánusav tjállám.
Subtsas la nuorra nissuna birra guhti álggoálmmuga árbev bælostahttá, væráldin gånnå amásballo oabllu, dálkádakrievddama ællobargov ájtti ja nuora iesjsårmmimav válljiji gå dille l gássjel divnajda.
Oavdástallij gaskan li duola dagu Elin Kristina Oskal (Sáltoduoddaris), Lars-Ánte Wasara (Gierunis), Ida Persson Labba (Gierunis), Pávva Pittja (Váhtjeris), Simon Issát Marainen ja Anne Lajla Westerfjell Kalstad (Guovdagæjnos, gierraga Hábmeris).
Oskalin la oajvveroalla filman dagu Elsa.