Hopp til innhold

Rørosrein vuittii golli goikebiergguin

Rørosrein vuittii golli goikebiergguin NM kjøttprodukter gilvvuid goikaduvvon bierggu luohkás, čállá Ságat áviisa (máksu gáibiduvvo).

NM kjøttprodukter lágiduvvo jahkásaččat, ja dalle nammaduvvojit Norgga buoremus biergobuktagat iešguđet luohkáin.

Duopmárin leat Norgga buoremus koahkat ja fágaolbmot. Dán jagi árvvoštalle eambbogo 600 buktaga.

Dán jagi vuoitit nammaduvvojedje miessemánu 14. beaivve. Duopmáriid árvvoštallama mielde lea Rørosrein goikebiergu «hirbmat buorre árbevirolaš buvtta. Vuohkkasit dássáduvvon máistta. Heivvolaččat sáltejuvvon. Álki borrat. Dássádit goikaduvvon. Dimis. Buorre biergu. Čáppat oaidnit. Čiekŋalis ja fiinna ivdni. Dássádis ivdni go čuohpasta bierggu.»

Les på norsk

Eva Nordfjell
Foto: Mariela Idivuoma / NRK

Korte nyheter

  • 12-jahkásaš čukkohallan Suomas

    Oulus, Suomas leat duorastat eahkeda arresteren njealjátlot jahkásaš albmá maŋŋel go niibbiin čuggii 12 jahkásaš gándda, geas lea sisafárrejeaddji duogáš.

    Almmái maid viehkalii nuppi gándda maŋŋái, gii lei fárrolaga čukkohallan gánddain.

    Politiijat dieđihit ahte albmás leat olgešekstremalaš guottut. Son lea dál áššáiduvvan guovtti goddingeahččaleamis.

    Dan dieđiha YLE.

  • Davviguovllus ballet eanemusat soađis Norggas

    Les på norsk.

    Norgga golmma davimus fylkka ássit ballet soađis eanet go muđui Norggas. Unnimusat fuolastuvvet oaivegávpoga ássit.

    Nordlánddas, Romssas ja Finnmárkkus ballet 43,2 proseantta soađis, ja Østlánddas ges ballet 26,6 proseantta, čállá Forsvarets forum.

    InFact lea čađahan oaiviliskama.

    Oslo ássit eai vuorjašuva soahtebalu geažil seammá ládje, dušše 28,5 proseantta vástidedje juo gažaldahkii ahte balletgo Norgga šaddamis soahtedillái.

    – Romssas ja Finnmárkkus leat máŋga militearabása, nu ahte dihtomielalašvuohta lea stuorát go eará guovlluin Norggas, vaikko soahteáitta lea unni, dadjá Beardu suohkana sátnejođiheaddji Toralf Heimdal (Sp).

  • NRK Sápmi gidde iežas Facebook ja Instagram kontoid

    Les på norsk.

    Geassemánu 18.beaivve gidde NRK Sápmi iežas Facebook ja Instagram kontoid.

    Dát mearkkaša ahte don it šat oaččo ođđasiid daid bokte.

    Sivvan dasa lea go NRK háliida leat unnit sorjavaš goalmmát beliin, ja áigu baicca návccaid atnit almmuhit iežas vuođđovuogádagain – NRK.no, NRK Radio ja NRK TV.

    Háliidatgo ođđasiid Sámis? NRK.no:s sáhtát válljet Sápmi iežat guovlun - ja oažžut eanet sámi ođđasiid njuolga NRK.no bokte.

    Oaidnalit NRK TV:s, NRK Radios ja NRK.no:s!

    18. juni stenger NRK Sápmi våre kontoer på Facebook og Instagram. Det vil si at du ikke lengre får oppdateringer fra disse kontoene. Grunnen er at NRK vil være mindre avhengig av tredjeparter, og bruke kreftene på bedre publisering på egne plattformer - NRK.no, NRK Radio og NRK TV.
Ønsker du å bli bedre oppdatert fra Sápmi? På NRK.no kan du velge Sápmi som ditt område – og få flere samiske nyheter direkte på NRK.no.
Vi ses på NRK TV, NRK Radio og NRK.no! 😊