Truls Bakken lohká dán girjji sáhtšii vaikke gohčodit mátkegirjin, mas olbmot sáhtašedje geahčadit dakkáraš erenoamášvuođaid min riikkas. Soai leaba govvideaddjit, ja goappašagat leaba oahppan govvideaddjit.
Truls Bakken muitala girjái bidjaba soai olu govaid, muhto diehtalasat čuovvu maid teaksta govaide. Eanaš dat gal dattetge galget govat dán girjái.
Jurdda govvagirjjiin livččii čájehit Norgga smávit báikkážiid, danne ohcaleaba dál veahkki ja bivdiba olbmuid cavgilit sutnuide gos soai galggašeigga fitnat govvideamen.
Johtiba miehtá Norgga
Truls Bakken ja su govvenusttit Bjørn Wad áiguba johtit miehtá Norgga. Truls Bakken muitala iežaska leat sádden rievve hui olu suohkaniidda ja bivdán árvalusaid sis. Ja dán rádjai leat juo ollugat cavgilan, moattis leat maid Finnmárkkus cavgilan gos galggašiegga fitnat govvemin.
De jos justa dus livččii árvalus, jos don dieđášit erenomán smávit báikkáža Finnmárkkus, mii ánssášii govvejuvvot dán mátkegirjái de čális dan dán e-mail čujuhussii truls_bakken@hotmail.com
Erenoamáš girji turisttaide
Dát mátkegirji lea jurddašuvvon olbmuide geat háliidivčče vásihit juoga earágo gávpoteallima. Juohke báikkážis gos soai mearrideaba fitnat govvideamen, doppe válljeba soai maiddái ovtta olbmo gean čuovvuba.
Dát olmmoš galgá de muitalit persovdnalaš historjjá justa fal dan báikkis. Ja dát olmmoš sáhttá leat váikke gii, son soaitá juoga leat ovddidan dán báikkis, dahje son lea girječálli, ártistta, musihkkár, sátnejođiheaddji dahjevel buohccedivššarge.
Soai válljeba sullii 30 báikkis govvidit girjái, danne livččii vuogas jos olbmot cavgilivčče sutnuide erenoamaš báikkiid, gos lea makkárnu erenomašvuohta. Ja dás ii leat sáhka dušše geassegovain, dása sáhttá maid váldit mielde dálve-, giđđa- ja čakčagovaid.