Ihttá rájes dat besset ge dát guđas čájehit iežaset duodječehppodaga. Čájáhusas leat olu iešguđet lágan duojit, earret eará lea vejolaš oaidnit Sámi Grand Prix láidesteaddji guoktá čiŋaid, muitala Sámi Allaskuvlla duodjeprofessor, Gunvor Guttorm.
Master ja bachelor
Guhtta studeanta geat leat Master dahje Bachelor oahpu gazzamin Sámi Allaskuvllas Guovdageainnus, dat besset buktit ovdan iežaset čehppodaga, ihttá (Gaskavahku) rájes gitta bearjadahkii.
Čiekŋudit iežaset bargguid
Studeanttat čájehit buot dujiid maid ieža leat duddjon dan maŋemuš jagi.
Guttorm muitala ahte duodječájáhus lea olu eará go dušše iešalddis dat duodji, go studeanttat leat šaddan čiekŋudit iežaset bargguid.
- Dás gulat ášši: