Ovddeš sámediggepolitihkkár ja boanda Olaf Eliassen jámii skábmamánu viđát beaivvi 74-jahkásažžan.
Eliassen ásai Goarahagas Porsáŋggu gielddas.
Son lei sámediggeáirras 2001–2005 ja 2005–2009 ja ovddastii Guovddášbellodaga. Goalmmát válgaáigodagas ovddastii Árjja bellodaga.
Politihkkárin álggii Olaf Eliassen go válljejuvvui Porsáŋggu gielddastivrii 1995–2007. Son ovddastii dalle Guovddášbellodaga ja lei maid Finnmárkku fylkkadiggeáirras 1997–1999.
Girdijohtolat sihke duorastaga ja bearjadaga bissehuvvui sihke Mátta- ja Davvi-Norggas teknihkalaš hástalusaid geažil ja go sárasneahtta boatkanii. Dat dagahii moivvi girdišiljuin, go girdit maŋŋonedje. Avinor lea šállošan dáhpáhusaid, maid eai loga gullat oktii.
GlobalConnect konseardnadirektevra Per Morten Torvildsen lea fuolas go Norgga digitála vuođđostruktuvra, ja erenomážit Davvi-Norgga sárasneahta, ii leat doarvái buorre.
Torvildsen oaivvilda ahte Norga ii leat doarvái bures ráhkkanan vuorddekeahtes dáhpáhusaide ja ahte servodatekonomiija čalmmiin ii sáhte doarjut Davvi-Norgga fiberneahta viiddideami ja buorideami.
Jan-Gunnar Pedersen, Avinor girdisihkkarvuođa konseardnajođiheaddji, lohká ahte sárasfierpmádatstruktuvra mii Avinoras lea sin bálvalusaid várás, lea dohkálaš, ja lea dohkkehuvvon sin atnui.
Guktuid dáhpáhusaid isket dárkilit, ja Avinor lea árvvoštallagoahtán mii lea mannan boastut.
Peder hadde noen feil som gjør at han ikke kjører sin beste mangekamp i dette EM, skriver forbundet. 24.-28. april arrangeres EM i turn for menn, junior og senior.