NRK Meny
Normal

Ohcala eambbo sámegiela NRK Sámi neahttasiidduin

– NRK Sápmi lea mielde njeaidime sámegiela árvvu go ii vuorut eambbo čállit sámegillii neahtas, oaivvilda nuorra giellaberošteaddji Mikkel Rasmus Logje.

Mikkel Rasmus Logje

- Interneahtta, mii lea dan mađi guovddážis eatnašiid árgabeaivvis, lea dehálaš domena gos giella galggašii leat oidnosis, lohká Mikkel Rasmus Logje, gii váillaha eambbo sámegiela NRK Sámi neahttasiidduin.

Foto: Johan Ante Utsi / NRK

Maiddái sámi prográmmaráđi jođiheaddji Katri Somby moaitá NRK Sámi go sámegiella ii vuoruhuvvo NRK Sámi neahttasiiddus.

Dán birra lei sáhka ivttá veaigesáddagis. Dás gulat maiddái maid NRK Sámi hoavda Mona Solbakk vástida moaitámušaide: NRK Radio - Veaigesátta - 15.12.2016