Oaččuiga Nordisk Film-foandda
Sámi dokumentára Máhccan válljejuvvui lávvardaga jagi dokumentárafilbman Suoma stuorimus filbmasuorggi gálas, Jussi-gála (vástida Norgga Amanda-bálkkašumi)
Muhto Máhccan-dokumentára ja dan dahkki guovttos Suvi West ja Anssi Kömi oaččuiga maiddai Nordisk Film-foandda 20 000 euro bálkkašumi.
– Dát lea vuosttaš dokumentárafilbma mii lea ožžon dán hirbmat stuorra bálkkašumi, ja danin mun jurddašan ahte dát ii guoskka dušše Máhccan-filbmii muhto obanassiige dakkár árvvusatnin dokumentárafilmmaide. Mun dieđán ahte máŋgasat jurddašit dokumentárafilmmaid bealde ahte lei dehálaš maiddái dien dáfus. Nu ahte hirbmat stuorra vuollegašvuođain ja giitevašvuođain dán mii leat váldán vuostá, dadjá West Nordisk Film-foandda birra.
Máhccan čuovvu dološ gálvvuid, mat máhcahuvvojit Sápmái maŋŋá go leat leamašan jahkečuđiid iešguđetlágan museain ja vuorkkáin miehtá máilmmi.