Suoma sámedikki stivrra mearridii váidit Suoma alimus hálddahusrievtti duomu ja sámediggeválggaid ođđasit lágideami Ovttaštuvvan nášuvnnaid olmmošvuoigavuođakomiteai.
Alimus hálddahusriekti celkkii dán mánu 10. beaivve, ahte Sámedikki 2023 jienastuslohkui ferte lasihit 65 olbmo, geaid válgalávdegoddi ii lean dohkkehan mielde ja Sámediggi ferte maid ođđasit lágidit válggaid.
– Sámedikki stivra doarju dán oktagasváidaga dannego AHR maŋimuš mearrádusat rihkkot sámiid iešmearridanvuoigatvuođa eamiálbmogin, dadjá ságajođiheaddji Pirita Näkkäläjärvi. Nu čállá YLE Sápmi.
Sámedikki eanetlohku vuosttalda Davvi Dearvvašuođa áigumušaid heaittihit muhtin doaimmaid Finnmárkkus ja Davvi-Romssas. Dat boahtá ovdan Sámediggeráđi gulaskuddancealkámušas Davvi deavvašvuođa ođđasis organiserenprošavttas "Doaibmabijut sihkkarastit Davvi dearvvašvuođa nannodaga".
Sámedikkis ballet, ahte ođđasit organiseren čuohcá menddo olu Davvi-Romsii ja Finnmárkui ja goarida sámi álbmoga dearvvašvuođabálvalusaid.
Gulaskuddancealkámusaš vuosttalda Sámediggi sirdit guovllupsykiatrálaš birrajándordivššu Deanus Áltái ja Álttá gárrenmirkkodivššu heaittiheami. Davvi Dearvvašvuohta galgá maid Finnmárkku buohcceviesu bivdit bisuhit beaivekirurgiija ja dan lahkai bissehit Álttá klinihka heaittiheami. Raissa suohkana birrajándorsajiid maid galgá bisuhit, čállá Sámediggi.
– Mun lean ilus go Sámediggi dál addá čielga dieđu Davvi Dearvvašvuhtii, ahte máŋga dain árvvoštallon evttohusain goaridit sámi álbmoga dearvvašvuođabálvalusaid. Dán gulaskuddancealkámuša lassin áigut mii dál bivdit ságastallama Davvi dearvvašvuođain, dadjá sámediggeráđđi Runar Myrnes Balto (NSR).
Suehpeden 13. biejjien Trønder-Avise gaskeviermieplaerie iVerdal mij lea akte voengesplaerie, plaerie jïjtje tjaala.
Vïeredaelieredaksjovne edtja gaskeviermieplaeresne jïh mobijleappesne iVerdal jïjtjemsh sisvegh tjaeledh. Dah mah abbonneereminie aaj åadtjoeh gaajhke sisvegh Trønder-Avisa Vïeredaelien bïjre tjaala lohkedh.
Gaute Ulvik Haugan redaktööre orre plaeresne sjædta.
