Nordkalottfolket vuoittahalai Sámediggái rievttis
Nordkalottfolket ii lean duhtavaš dainna go Sámediggi áigu iskat jienasteddjiid. Danne sii áššáskuhte Sámedikki, muhto diggegoddi celkkii ahte Sámediggi ii leat lága rihkkon.
Áššin lea Sámedikki jienastuslogu guorahallan.
- Mii leat gáibidan diggegotti bissehit guorahallama, maid Telemarksforskning lea bivdojuvvon dahkat, dajai Nordkalottfolket sámediggeáirras Vibeke Larsen go áššáskuhte Sámedikki duvle.
Sii oaivvildedje ahte Sámedikki jienastuslogu guorahallan lea lobiheapme, ja áigo bissehit proseassa.
Riekti deattuha duomus ahte dievasčoahkkinjođihangottis dat lea gelbbolašvuohta jienastuslogu hárrái, ja ahte sii, rievtti oainnu mielde, eai leat mannan iežaset válddi rájáid olggobeallái go addet jienastuslogu olggobeale olbmuide iskat.