Mikkel Gaup maŋisboahttit leat stevdnen stáhta go Gaup 1966 massii boazodoallovuoigatvuođa. Bearaš
GULDAL:
- Dát lea dehálaš prinsihppalaš ášši, go lea sáhka das, mo stáhta lea hálddašan sámiid vuoigatvuođaid, dadjá Norgga sámiid riikkasearvvi jođiheaddji Silje Muotka. Su mielas berrešii Sámediggige doarjut ášši.
Muotka mielas lea dehálaš beassat diehtit eambbo mo stáhta lea bargan diekkár áššiiguin.
Vuordá doarjaga
Muotka ii hálit dađi eanet dadjat aiddo makkár doarjaga vuordá Sámedikkis Gaup bearrašii.
-Lunddolaš lea ahte Sámediggi ieš ságastalla ja mearrida dies, muhto sáhttá leat politihkkalaš dahje fágalaš doarjja, dadjá Muotka.
Dehálaš guorahallot
Maiddái Norgga boazosápmelaččaid riikkasearvvis juollu ain jo politihkkalaš doarjja.
Nils Henrik Sara.
Foto: Eilif Aslaksen / NRK- Máilmmi buorre go boazodoallit, geat dovdet iežaset dulbmojuvvon ovddeš áiggis váldet ášši bajás, rápmo NBR jođiheaddji Nils Henrik Sara. Su mielas lea buorre go guorahallo ja boahtá álbmosii leago boazodoallu gillán vearrivuođaid.
GULDAL:
Sara jáhkká leat earáidge geat dovdet eiseválddiid vuoigatmeahttumit meannudan sin áššiid.
- Das lean oalle sihkar, dadjá NBR jođiheaddji.
