MDG háliida Sámediggái addit evttohanlobi Stuorradikkis
Nu cealká bellodat e-poasttas NRK:ii.
MDG háliida ahte Sámediggi galgá oažžut bistevaš lobi evttohusaid buktit Stuorradiggái, nu ahte sámi bealit ja beroštumit váldojit vuhtii go Stuorradiggi čoahkkana.
– Mii goit vuordit ahte bellodagat mat leat doarjun sámiid rivttiid Fovsen-áššis galget min doarjut ja áddet man dehálaš dat lea.
Sii oaivvildit ahte lea lunddolaš addit Sámediggái lobi evttohusaid buktit Stuorradiggái, go Sámediggi lea áidna parlamenta Norggas earet go Stuorradiggi.
MDG boahtá álggus gážaldaga ovddidit ráđđehussii. Jus ráđđehus eai mieđa dasa, de MDG áigu árvvoštallat evttohusa ovddidit vai badjelgeahččat ráđđehusa dán áššis. Jus nu gártá, de čállá MDG maid ahte sii bohtet konsulteret Sámedikkin ovdalgo ovddidit evttohusa.