Nostalgia
Mikkel jáhkka šaddá somá, go lea nu áigá go spealai Mario Kart máŋgemuš.
Richard ja Mikkel eai leat speallan Mario Kart dan rájes go ilmmai 1996:as.
Maŋŋel go leimmet speallan moddii, de dajai Hans Olav ahte su mielas lei Game Cube:as dát spealla olu buoret. Dás ii sáhte čoaggit eará ovtta vearjju, muhto Game Cubas sáhttá guokte oktanaga ja ieš mearridit makkár geavahat goas.
Richard lasiha; dien láhkai massá spealla veaháš dan strategii čuoggá, dál lea dušše guoimmuhan dihte. Ii leat nu olu action go it sahte strategii smiehttat.
Mikkel ja Richard liikoba dasa ahte galgá stivret Wii-kontrollain, ja ii nu go ovdal – dušše deaddit boaluid.
Dán láhkai šaddá maid eambbo lunddolaš, go son han dagat dán láhkai go vuoját albma biilla. Hans Olav bisseha skihpáriid ja dadjá ahte sus ii lean kontrolla biillas go galgá dán láhkai vuodjit, dat lea olu buoret deaddášit boaluid.
– heaitte dádjumis ja oahpa buoret mo galgá vuoddjit biilla, hárdá Richard.
Dat lea ge dainna lágiin ahte Richard lea measta olles áigge beassan vuosttažin, ja mii earát leat leamaš sihke nuppi ja 12 sajis....
Partyspealla
Dát lea duođai partyspealla dadjá Richard.
- Jos livččen okto speallan livččen johtilit dolkan, muhto jos lea máŋgasat de gal višan.
Mikkel nivkkuha ja lasiha ahte aŋkke fertejit leat golmmas dahje njealjis geat spellet. Hans Olav maiddai oaivvilda ahte ii leat nu somá guhkká ain hávális speallat, šaddá johtilit olu riedja.
Mikkel ii liikon speala grafihkkii nu beare bures. Ii leat nu čielga govva, jos áddet. Muhto soaitá gal ahte lean ieš šaddan menddo vuordevaš grafihkkii. Gándat bohkosit ja spellet viidásat.
Richard lei hui duđavaš dainna ahte sáhttá válljet eará biillaid go Go-Kart. Doppe maiddai gávdno mopeda, mohtorsihkkelat, tráktora, jna.
Boađus??
