Lobihis girddašeapmi

Hámmarfeastta politiijaide bohte mannan duorastaga ollu váidalusat lobihis áimmus govvideami geažil, nu gohčoduvvon dronain, ovdalaš Arctic Race sihkkelgilvvu vuolggaheami.
Áibmobearráigeahčču gohčoda dán áimmus girddašeami lobiheapmin, muhto ii áiggo dutkat ášši dađi eambbo.
Dronain girddašeapmi dáhpáhuvai gávpot guovddáš gáhtaid bajá beali gos dalle ledje ollu olbmot ja girddašeapmi ii lean dohkkehuvvon ovdagihtii.
Áibmobearráigeahčču lohká dronaid vuovdinlogu beanta eksploderen dan maŋimuš jagi, muhto dušše moaddásis leat dárbbašlaš girdinlobit áimmus govvidit.