Hopp til innhold

Listhaug ođđasit válljejuvvon Ovddádusbellodaga jođiheaddjin

Les på norsk.

Ovddádusbellodaga riikkačoahkkimis lea Sylvi Listhaug fas válljejuvvon Ovddádusbellodaga bellodatjođiheaddjin

Listhaug lea bellodatjođiheaddji leamaš miessemánu 2021:i rájes.

Liv Gustavsen, Kristoffer Sivertsen ja Marte Joan Monstad ges válljejuvvojedje fásta lahttun Ovddádusbellodaga guovddášstivrii.

Gustavsen lea ođđasit válljejuvvon, muhto Monstad lea ođđa lahttu. Rørvik ges lea ovdal leamaš 4. várrelahttu.

Sylvi Listhaug
Foto: William Jobling / NRK

Korte nyheter

  • Davvin unnán čáhci magasiinnain: – Heahtedilli

    Davvi-Norgga čáhcemagasiinnaid deavdindássi lea hirbmat vuollin, čájeha Norgga čázádat- ja energiijadirektoráhta (NČE) vahkkosaš magasiidnastatistihkka.

    Dat sáhttá mearkkašit ahte Davvi-Norga oažžu «Oslo-hattiid» dán geasi elrávnnjiin. Sivvan dasa lea ahte Davvi-Norga soaitá šaddat Mátta-Norggas ja Davvi-Ruoŧas oažžut elrávnnji, go davvin buvttaduvvo nu unnán.

    – Dat attašii veahá alit hattiid go dan masa olbmot davvin leat hárjánan daid maŋimuš 2-3 jagiid, čilge Volt Power Analytics fápmoanalyhtalaš Olav Botnen.

    Son einnosta hattiid sullii 35-40 evrre kw/t Davvi-Norgii dán geasi. Botnen ii leat fuolas dilis, ja čilge ahte davvin geavahit unnit elrávnnji kapasiteahtta ektui.

    Muhto Bearddu sátnejođiheaddji, Toralf Heimdal, dadjá ahte Álddesjávrris, mii golgá Romssa stuorámus fápmogáldui, Bearddujohkii, lea unnán čáhci.

    – Dárbbašat olu njuoskkadaga ovdalgo deavdindássi lea dábálaš dásis fas čakčat. Dat lea áibbas veadjemeahttun, dá lea heahtedilli, cealká Heimdal.

  • Karasjoks kvenske navn ute på høring

    Språkrådets kvenske stedsnavntjeneste har reist navnesak om det kvenske navnet på tettstedet Karasjok og elva Kárásjohka.

    Lokale organisasjoner og personer med tilknytning til stedsnavn oppfordres til å gi innspill.

    Her er forslagene.

    Stedet: Kaarasjoki

    Elva: Kaarasjoki

    Høringsfrist er 01.08.2024.

    Loga sámegillii

    Kárášjoga gielda - Karasjok kommune
    Foto: Dan Robert Larsen / NRK
  • Kárášjoga kveanagiel báikenamma gulaskuddamis

    Giellaráđi kveanagiel báikenammabálvalus lea álggahan kveananammaášši Kárášjoga báikegotti ja Kárášjoga joga nama hárrái.

    Dá leat giellaráđi gaskaboddasaš kvenalaš nammarávvagat.

    Báikenamma: Kaarasjoki

    Joga namma: Kaarasjoki

    Gulaskuddanáigemearri lea 01.08.2024.

    Les på norsk

    Karasjok rådhus
    Foto: Stian Strøm / NRK