NRK Meny
Normal

Leago gákti dego bunada

Kárášoga gávtti lohket rievdagoahtán. Muhtimat leat dasa bidjagoahtán čiŋaid mat goassige ovdal eai leat leamaš Kárášjoga gávttis. Molleš Biret, Berit Alette Anti ii gal rievdadivčče árbevirolaš gávtti moge.

Berit Alette Anti
Foto: Piera Balto / NRK

Kárášjoga gáktái leat ihttán silba báttit holbái, blonder-rávda soadjagežiide, imašlaš čiŋat holbái, ja muhtimat bidjalit vel lassi gáiddáid vai šaddá lotnjái.

Máijá Holm Balto Kárášjogas gávttiin

Silbaravda holbbis

Foto: Privat

Kárášjoga hápmi dat gal galgá dan gávttis maid son goarru, lohká Molles Biret. Iežas gal lohká dohkkehit maid olbmot oaivvildit, muhto ieš son gal ii cokkašii gávtti masa leat mahkás iđihan amas hearvvaid, go dalle dat ii šat leat Kárášjoga gákti.

Kárášjoga nissongávtti árbevirolaš holberavda

Kárášjoga nissongávtti árbevirolaš holberavda

Foto: Privat

Lea go gákti dego rivgui bunada?

Bunadaid dahje álbmotbiktasiid eai gal rievdadatta moge. Eai rievdat eai ivnniidge. Nordlandda nisson bunada bissu nu go dat álo leamaš. Das gal ii leat eará go ruona dahje alit vuođđo ivdni. Hearvvat gal leat justa seammalaganat. Lea go son gákti diekkáraš álbmotbivttas? Go dan čiŋahit vaikke mo? Kárášjoga nissongáktii orru rievdamin. Govain oaidná ahte muhtimat čiŋahit Kárášjoga árbevirolaš gávtti, soadjagežiin leat blonderat ja bearralat. Holbi maid lea áibba eará go dat mii gullá Kárásjoga gáktái. Ja gos iđii njunnesuorrángávki. Gos son dan leat viežžan?

Elvi Rosita Norvang Kárášjoga gávttiin

Elvi Rosita Norvang Kárášjoga gávttiin

Foto: Anne Olli
Maija Holm Balto Kárásjoga ođđaáigásaš gávttiin

Maija Holm Balto Kárásjoga ođđaáigásaš gávttiin

Foto: Privat
Mette Eira

Mette Eira

Foto: Privat

Mette Eira goarru gávttiid. Iežas gal lohká goarrut gávtti justa nu mo tiŋgojeaddji dan hálidaš. Muhto ii dieđe heivešii go seaguhit gáktehámiid. Seaguhit mahkáš Guovdagean- ja Kárášjoga nissongávttiid.

Iežas gal lohká goarrut silbaravddaid, čiŋahit gávtti nu go tiŋgojeaddji dan hálida. Son lea maid náitalangávttide lasihan ovtta gáiddá, vai šaddá eanet lotnjái.