NRK Meny

Katalonia presideanta sivahallo

Espánja almmolaš áššáškuhttieiseválddit leat ráhkkaneamen cegget diggeášši Katalonia presideantta Artur Mas vuostá, maŋŋá go regiovnna eiseválddit dolle álbmotjienasteami iehčanasvuođa gažaldagas manan sotnabeaivvi. Áššáskuhttieseválddit lohket jienasteami lobihis dahkun, dasgo riikka alimusriekti lea gieldán dan, čállá The Guardian aviisa.

Artur Mas ja Katalonia guovllueiseválddit eai loga ballat diggeáššis, ja jotket gáibidit čatnavaš álbmotjienasteami iehčanasvuođa birra. Symbolalaš álbmotjienasteapmái oassálaste 2,4 miljovnna olbmo, ja badjel 80 proseantta dorjo iehčanasvuođa Kataloniai.