– Lea lunddolaš ahte sámit veahkehit eará eamiálbmogiid, muhto mun in vel dieđe váldit go vuostá mapuche-álbmoga bovdejumi boahtit Chilii Lulli-Amerihkkái, lohká Sámedikki presideanta Egil Olli.
Mapuche-indiánat bivdet sámiin veahki bissehit huksemiid iežaset árbevirolaš eatnamiid alde, muhto Olli ii dieđe vuos movt sámit sáhtášedje veahkehit mapuchiid.
