NRK Meny

Ii berre vuos lonuhit deahkaid

Finnmárkku politiijaguovddáš čállá facebookas ahte Finnmárkkus lea váttis vuodjindilálašvuohta dál ja muhttin sajiin lea hirbmat njalkkas. Ja vaikko áigemearri lonuhit deahkaid lei miessemánu 1. beaivvi, de lea nu ahte Finnmárkkus lea dálki, ii ge kaleanddar, gii mearrida goas sáhttá lonuhit deahkaid. Ja politiijat čállet vel ahte ii oro giđđa ollemen Finnmárkui vel, ja dalle berre ain vuodjit dálvedeahkaiguin.