Jaepien 1964, goevten 29.b. dellie 35 almetjh gaavnedin jih raarastallin mejtie edtjin siebriem øørnedh. Dah dellie sijhtin jijtjen åarjelsaemien kultuvregåetiem bigkedh. Akte tjåanghkoe sijjie, gaajhk saemide gaskoe Nøørjesne. Saemien Sijtem jaepien 1979 Snåasesne bigkin.
Orre Saemien Sijten gåetie.
Luhkie jaepieh joe Saemien sijte barkeme jih sijhtieh orre gåetiem Horjemstangesne, bigkedh. Geerve lea jih beetnegh åadtjodh. Saemien Sijten åejvie Birgitta Fossume jeahta.
Saemien Sijten åvtehke Birgitta Fossum edtja Saemien Sijtem heevehtidh.
Foto: Ristin Persson / NRK–Njåajjarim gosse ibie naan beetneh-vierhtieh daan tjaktjen, Staaten budsjedteste åådtje. Barkoeminie daelie Saemiedigkien ektesne, guktie edtjebe åvtese barkedh. Saemien sijte åtna joekoen histovrijem maam tjoeveribie vaarjelidh Fossume jeahta.
Orre ïedtjem.
Daate mij lustes sjædta.
– Daate jih Saemien sijtem heevehtidh orre ïedtjem vaadta. Gaajhk almetjidie heevehtidh, mij Saemien Sijten åvteste barkeme jih gaajhkh guesside råakedh Daelie edtjebe murriedidh, Fossume jeahta.
Jijnjh guessieh båetieh.
– Mijjieh bøøreme gellie dejstie departemeenten politiherijstie jih Staaten tjaelijide. Ij gieh sijhth mijjene heevehtidh. Læjhkan jijnjh jeatjah guessieh almetjh, sijhtieh mijjine heevehtidh.Dihte luste. 130 almetjh gaske-beajjan båetieh Fossume jeahta.
Saemien Sijten 50-jaepien heevehtimmie lea rahkan 1.b. Snåasesne.
