Heajos bátnedikšun sáhttá leat heaggaváralaš vuorrasiidda
Vuorasolbmot geat leat nuonddahallan eai ge ieža šat nagot bániid dikšut sáhttet bahát buohccát heajos njálbmedivššu geažil. Dan dadjá PhD ja bátnedoavttirspesialista Ann-Kristine Bongo Guovdageainnu bátnedivššohagas. Son vásiha ahte bánit hedjonit erenoamáš olu go vuorrasat gevvet buhcciidruktui. Maiddái dutkan čájeha ahte njálmmi buhtisindoallan lea heajut daid vuorrasiin geat orrot institušuvnnas go dain geat ásset ruovttus. Bongo oaivvilda ahte dearvvasvuođabargit galggašedje eambbo fuola atnit buhcciid- ja vuorasolbmuid bániin.