Guterres: – Mii leat soahtamen luonddu vuostá
Luonddu njunuščoahkkin COP15 lea dál jođus Montreal gávpogis Kanádas. Measta buot máilmmi riikkat oassálastet konferánsii gos váldomihttun lea boahtit ovtta oaivilii rámmain mat sáhttet leat veahkkin suodjalit luonddu, elliid ja sáttuid.
– Mii leat soahtamen luonddu vuostá. Mii geavahat luonddu de go livččii hivsset. Dát njunuščoahkkin lea min vejolašvuohta bissehit bilistemiid. dajai Ovttastuvvan Našuvnnaid váldočálli António Guterres čoahkkima rahpama oktavuođas, mii bistá juovlamánu 7. beaivve rájes 19. beaivái.