Guokte máná duššan biillalihkohisvuođas

Guokte máná leat jápmán johtolatlihkohisvuođas Kolaris Davvi-Suomas. Dan muitala Yle Lappi.

Kart Kolari

Dasa lassin leat maid golbma eará máná roasmmohuvvan, ja leat dolvojuvvon guvttiin gádjunhelikopteriin Oulu universitehtabuohccevissui ja Roavvenjárgga buohccevissui. Dearvvašvuođabargit eai vuos háliit dadjat man garrasit mánát leat roasmmohuvvan.

Lihkohisvuohta dáhpáhuvai lávvardaga sullii dii 16:00 váldogeainnus, go muhtun guorbmebiillavuoddji ribahii biilla čeassagoahtit nu ahte dat gopmánii. Buot vihtta vuolleahkahaš máná ledje mielde guorbmebiillas.

Maiddái biillavuodji lea dolvojuvvon buohccevissui.

Politiijat dutket ášši, muitala Yle Lappi.