Jus don leat ožžun nášunala luoikkahankoartta, ja dus lea pin-koda dása, de lea skábmamánu 24. beaivve rájes vejolaš geahččat oanehis- ja dokumentárafilmmai nuvttá interneahtas. Dálle alggahuvvo "Filmbib" filmabálvalus, ja jus don leat girjerájosgeavaheaddji, de sahtat interneahtas geahččat filmmaid, dán čállá NTB.
Dát bálvalus fállá sihke nuorra og boarraset filmadáhkkiid filmmaid, e.e. Yvonne Thomassen, Guro Saniola Bjerk, Margreth Olin ja Harald Zwart filmmaid.
Sulli 150 filmma galget leat "Filmbib"as jahkkásaččat, ja jurdda lea áiggi mielde lasihit vel 100 ođđa filmma jahkkái.
Guhtta joavkku servet dán gease Conifa nissončiekčamiidda Bodåddjos.
Sámi nissonriikkajoavku lea okta favorihtain vuoitit dán gease CONIFA čiekčamiid. Sii oainnat vuite 2022 CONIFA nissončiekčamiid Indias mat ledje vuosttaš stuorát gilvvut.
Jenny Marie Mannsverk lea okta dan 18 čiekčis váldon mielde ovddastit sámi nissonriikkajoavkku dán gease.
Son ii leat ovdal čiekčan Sámi ovddas, ja lohká šaddat hui somá ja illuda dasa. – Mun lean maid hui giitevaš go dán vejolašvuođa dál oažžu, lohká Mannsverk.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.
