Gilážat eai beasa stuorrut

Gilážat eai beasa stuorrut go eanet viesut smávit báikkiin geavahuvvojit astoáiggeviessun. Nu eai de olbmot beasa láigohit orrunsaji ja de eai ássit lassán ge doppe.

Nu oaivvilda Norut dutki, Vigdis Nygård. Njávdámis geahččalit giliolbmot oažžut astoáigge viessoeaiggádiid láigohit sidjiide geat orrot bistevaččat gilis. Nygård lohká eará báikkiin dán doaibman bures.