Gáibidit boazodoallohyhttaid eret

Seainnus návggastaga stivra bivdá Finnmarkku Fylkkamáni váikkuhit dasa ahte várálaš boazodoallohyhttat Bigážis Suoidneleavššis gáikoduvvojit.

Kart Sennalandet

Bigážis Suoidneleavššis gáibiduvvo boazodoallohyhtta jávistuvvot go sáhttá leat heaggavárálaš mánáide.

Boazodoallo orohaga 23A Seainnus Návggastat stivra dat bivdá ovddasvástideaddji eiseválddit váikkuhit dasa ahte guokte boazodoallohyhtta okta olgovisttiiguin mat leat Bigáža jávregáttis jávistuvvojit farggamusat. Válganjárgga boazoeaiggát Nils M. Gaup čállá ahte hyhttat leat várálačča earenoamážiid jus mánát dohko mannet.

Luohpan boazodoalus

Válgenjárgga boazoeaiggát, Nils M. Gaup čállá fylkkamánnái ahte hyhttat mat dál ain ceaggájit Bigáža jávregáttis Suoidneleavššis gullet boazoeaiggádii gii áigá lea eret vádjolan. Bearaš lea oalát luohpan boazodoalus, ja iige leat danin šat riekti doalahit hyhttaid boazodoalloguovllus.

Geasseorohat

Seainnus Návggastat lea Oarje-Finnmárkku boazoeaiggádiid geasseorohat, ja boazoeaiggádiin leat hyhttat main geasseáiggi orrot. Go boazoeaiggát áigu hukset hyhtta de dat meannuduvvo Boazodoallolága §21 mielde. Leat orohagat, siiddat ja siidaoasi eaiggádat geat sáhttet oažžut lobi hukset boazodoallohyhttaid.