NRK Meny

Fylkamánni meahcástallama birra

Finnmárkku Fylkamánni doarju árvalusa ahte addit lobi geavahit el-sihkkeliid meahcis, muhto ii hálit ahte sihkkel geavahuvvo suodjaluvvon guovlluin. Fylkamánni lohká seammás ahte gielddat eai galgga sáhttit addit sierralobi skuhterjohtolahkii meahcástallama oktavuođas. Gielddat leat ožžon vejolašvuođa ásahit máđiijaid ealáhusdolliide, ja dat gokčá dárbbu, čállá birasgáhttenossodat gulaskuddancealkámušas.