NRK Meny
Normal

Eananoamasteami ohcamat

Dušše njeallje eananoamastan gáibádusa Unjárggas. "Unnán", dadjá Finnmárkkukomišuvdnaláhttu.

Reinsdyr på Nordkynhalvøya
Foto: Nils Henrik Måsø / NRK

GULDAL: Unjárgga oamasteddjit

Boazodoalu orohagat 6 ja 5d, Norggas leat ohcan eananoamastan vuoigatvuođa olles Unjárgga guvlui.

Orohagaid ovdaolmmoš Frank Inge Sivertsen, lohká iežaset vuosttažettin hálidit gáhttet guovlluideaset. Son lohká alddineaset dokumeanttaid mat duođáštit čuđiid jagiid eanangeavaheami.

Unnán beroštupmi

Dušše njealljis leat dieđihan Finnmárkkukomišuvdnii ja Ole-Henrik Magga Finnmárkkukomišuvnnas lei vuordán eambbo beroštumi.

Ole Henrik Magga
Foto: Eilif Aslaksen / NRK

– mun bealistan gal ledjen jáhkkán ahte eambbo livčče beroštupmi. Go gavdnojit ain olu eahpečielga áššit eananeaiggáduššama ja geavaheami hárrái.

Kártet eatnamiid

Finnmárkku komišuvdna galgá kártet finnmárkkuopmodaga eatnamii dálá, geavahan ja oamastan vuoigatvuođaid, maid sámit ja eara olbmot leat olahan guhkes áigge geavaheame vuođul.

Guokte priváhta olbmo, unjárgga gilisearvi ja boazodoallo leat dieđihan beroštumi oamastit eatnamiid. Áššedovdit gehččet áššiid dán geasi. Boahtte jagi geahčča komišuvdna sisdoalu ja mearrida eatnama oamasteamis.

– Guokte ohcci ohcet veaha stuoribus guovllui, nammalassi boazodoallu ja gilisearvi.