NRK Meny

Eai hálit ođđa leavgga

Ođđa Zealándda olbmot leat jienastan makkár leavga riikkas galgá leat. Álbmotjienasteamis dajai 57 proseanta ahte áigot bisuhit dálá leavgga, dan sadjái go ođđa leavgga váldit.
Dálá leavga lea alit mas leat rukses násttit ja brihtalaš leavga gurut čiegas, ja riikkas lea dat leamaš 1902 rájes.
Olbmot geat háliidedje ođđa leavgga oaivvildedje ahte dálá leavga gullá koloniijaáigái ja ahte dat sulastahttá bearehaga Australia leavgga.