NRK Meny

Eai beasa ruoktut Tråante-doaluin

Sámiid Valáštallanlihtu Norgga jođiheaddji Kåre Olli, lea okta sullii čuođi sámis geat garradálkkiid geažil eai vel leat beassan ruoktot Tråante-doaluin. – Vahát go in beasa bargui, muhto ii hal dálkkiiguin sáhte maidige, lohká Olli Romssa girdišiljus. Norgga golmma davimus filkkas leat leamaš garra dálkkit. Dát lea dagahan stuorra váttisvuođaid girdijohtolahkii. Ikte fertejedje máŋggas máhccat ruovttoluotta Troanddimii go girdit eai sáhttán seaivut Bådåddjui dahje Romsii.