NRK Meny

Duššai fanaslihkohisvuođas

Badjel 50-jahkásaš almmáiolmmoš duššai ikte fanaslihkohisvuođas Brønnøyas, Helgelánddas, Nordlánddas. Guovttis dat leigga fierbmumin astoáiggefatnasiin go lihkohisvuohta deaividii, dieđiha gádjundoaimmajođiheaddji Rune Danielsen. Muhtin gii lei vuolgán sudno ohcat dat gávnnai dán guoktása mearas birrasiid 23.00 áigge. Nuppi albmá dilálašvuohta lea duođalaš muhto stáđis, dieđihit Davvi-Norgga Universitehtabuohcciviesus.