Doarjjačalmmustahttin Girkonjárggas
Girkonjárggas, gos birrasii 70 dorvoohcci vurdet máhcaheami Ruššii, lágiduvvo odne doarjjačalmmustahttin. Merete Nordhus Refugees Welcome to the Arctic organisašuvnnas lea mielde lágideamen dán ja lohká áddet ahte ii buohkain leat riekti beassat orrut Norggas, muhto lohká buohkain lea riekti oažžut govttolaš dorvoohcanmeannudeami, juoga maid eai leat dássážii ožžon. Son muitala ahte sullii 30 dorvoohcci áigot searvat lágideapmái.