Hopp til innhold

Dálla ja dalloj: Dålusj láddim ja hæsstafámo

Naima káfastallá Mareno Mikkelsenijn Divtasvuonas udnásj oassen.

Mareno dal diehtá láddimájgge la barggoájgge, avta giese láddijin 900 tjillu ja hæssta lij tjabu viehkken.

Korte nyheter

  • Ubmejen biejvieh álget odne

    Sámi vahkku, dahje Ubmejen biejvieh, álggii odne Ubmis. Dat lea jahkásaš kulturfestivála, gos ávvudit sámi kultuvrra. Miehtá boahtte vahkku leat iešguđet doalut, mat leat heivehuvvon buot ahkásaččaide.

    Dohko bohtet earret eará Kajsa Balto ja Sofia Jannok, ja guossit sáhttet searvat duodjekurssaide, logaldallamiidda, čájálmasaide, ja olu eará iešguđet stuorat ja smávit doaluide.

    Dán jagi lea maid 25 jagi ávvujahki Såhkie sámesearvái, geat leat Ubmejen biejvieh lágideaddjit. Eanet dáid doaluid birra sáhtát lohkat Såhkie neahttasiidduin.

    Artist Sofia Jannok
    Foto: Elin Berge
  • Dear Sara Mello-mátki nogai

    Ii šattá Melodifestivála-finála Sara Nutti bealis dán jagi. Ikte gilvalii sámi artista oassefinálas, gos sus lei maŋemuš vejolašvuohta beassat loahppagilvui lávlagiin «The Silence After You», čállá SVT Sápmi.

    – Lea nu duđavaš go lean beassan ná guhkas, dieđusge livččii leamaš somá beassat finálii, ferten gal mieđihit, dadjá Nutti ja sávvá eará jagi beassat fas fárrui.

    Annika Wickhalder ja Jay Smith válddiiga ikte daid maŋemus finálasajiid, ovdal go loahppagilvvuid boahtte vahkkoloahpa.

    Sámi artistta Dear Sara.
    Foto: Dear Sara. Pressebilde
  • ON eamiálbmot áššedovdit bohtet Norgii

    Les på norsk.

    Ovttastuvvon našuvnnaid eamiálbmot áššedovdijoavku (EMRIP) boahtá Norgii njukčamánu 6. beaivvi. Nu dieđihuvvo ON neahttasiidduin.

    Joavku galgá galledit Davvi bieggafápmorusttegiid Davvesiidda suohkanis, Nussir ruvkeguovllu Hámmerfeastta suohkanis ja Fosen bieggafápmoguovllu. Sii galget maiddái deaivvadit Sámeráđiin, Sámedikkiin, eiseválddiiguin stáhta ja suohkaniid bealis ja priváhta olbmuiguin.

    Áššedovdit galget addit ráđiid ja bagadallat Norgga eamiálbmoga rivttiid birra, ja mo dat gusket lágaide, politihkkii ja riektemearrádusaide.

    Vurdo ahte EMRIP buktá cealkámuša loahpageahčen dán mátkki.

    Aksjonister aksjonerer mot anleggsarbeid i forbindelse med gruvedrift i Repparfjorden i Hammerfest kommune.
    Foto: Theis Roksvåg Pedersen / NRK